Sahil Ki Rait Chand Ke Munh Par Na Daliye – ساحل کی ریت چاند کے منہ پر نہ ڈالیے – Nazeer Qaisar Ki Khoobsurat Urdu Ghazal | नज़ीर क़ैसर

 

ساحل کی ریت چاند کے منہ پر نہ ڈالیے

ہمت جو ہو تو بحر سے موتی نکالیے

خوشبو کی طرح تھام کے چلیے ہوا کا ہاتھ

مثل غبار بوجھ فضا پر نہ ڈالیے

آوارہ موسموں کے بگولوں کے ساتھ ساتھ

پھرتا ہے کوئی مجھ کو ہوا در ہوا لیے

کھلتا نہیں کہ کس کے لیے سرگراں ہوں میں

قدموں میں خاک سر پہ فلک کی ردا لیے

سائے کی طرح رینگ رہا ہوں زمین پر

گزرے ہوئے زمانوں کی آواز پا لیے

اک حرف میرے کان میں کہتا ہے رات دن

مجھ کو کتاب خاک سے باہر نکالیے

ممکن ہے کوئی شکل ابھر آئے سامنے

آئینۂ خلا میں کوئی عکس ڈالیے

آزاد ہو سکا نہ بدن قید‌ خاک سے

ہر چند ہم نے پاؤں ہوا میں جما لیے

اک شمع بے نشاں کا پتہ ڈھونڈتے ہوئے

ہم نے دل و نگاہ کے سورج بجھا لیے

sāhil kī ret chāñd ke muñh par na Dāliye

himmat jo ho to bahr se motī nikāliye

ḳhushbū kī tarah thaam ke chaliye havā kā haath

misl-e-ġhubār bojh fazā par na Dāliye

āvāra mausamoñ ke bagūloñ ke saath saath

phirtā hai koī mujh ko havā-dar-havā liye

khultā nahīñ ki kis ke liye sargirāñ huuñ maiñ

qadmoñ meñ ḳhaak sar pe falak kī ridā liye

saa.e kī tarah reñg rahā huuñ zamīn par

guzre hue zamānoñ kī āvāz-e-pā liye

ik harf mere kaan meñ kahtā hai rāt-din

mujh ko kitāb-e-ḳhāk se bāhar nikāliye

mumkin hai koī shakl ubhar aa.e sāmne

ā.īna-e-ḳhalā meñ koī aks Dāliye

āzād ho sakā na badan qaid-e-ḳhāk se

har-chand ham ne paañv havā meñ jamā liye

ik sham-e-be-nishāñ kā pata DhūñDte hue

ham ne dil-o-nigāh ke sūraj bujhā liye

साहिल की रेत चाँद के मुँह पर न डालिए

हिम्मत जो हो तो बहर से मोती निकालिए

ख़ुश्बू की तरह थाम के चलिए हवा का हाथ

मिस्ल-ए-ग़ुबार बोझ फ़ज़ा पर न डालिए

आवारा मौसमों के बगूलों के साथ साथ

फिरता है कोई मुझ को हवा-दर-हवा लिए

खुलता नहीं कि किस के लिए सरगिराँ हूँ मैं

क़दमों में ख़ाक सर पे फ़लक की रिदा लिए

साए की तरह रेंग रहा हूँ ज़मीन पर

गुज़रे हुए ज़मानों की आवाज़-ए-पा लिए

इक हर्फ़ मेरे कान में कहता है रात-दिन

मुझ को किताब-ए-ख़ाक से बाहर निकालिए

मुमकिन है कोई शक्ल उभर आए सामने

आईना-ए-ख़ला में कोई अक्स डालिए

आज़ाद हो सका न बदन क़ैद-ए-ख़ाक से

हर-चंद हम ने पाँव हवा में जमा लिए

इक शम-ए-बे-निशाँ का पता ढूँडते हुए

हम ने दिल-ओ-निगाह के सूरज बुझा लिए