Tere Dil Mein Jahan Mein Baitha Hoon – Khoobsurat Urdu Ghazal | Urdu Poetry By Majid Raza Amber

تیرے دل میں جہاں میں بیٹھا ہوں

دکھ ہے سب کو کہاں میں بیٹھا ہوں

منتظر جان جاں میں بیٹھا ہوں

آ بھی جا مہرباں میں بیٹھا ہوں

رونقیں آپ سے تھیں محفل میں

کس نے دیکھا وہاں میں بیٹھا ہوں

تیرے جانے سے بجھ گیا دل بھی

اب یہاں رائیگاں میں بیٹھا ہوں

اپنے یاروں سے دشمنی کیسی

کس لئے بد گماں میں بیٹھا ہوں

راکھ ہونے کو ہے مری ہستی

ہو کے شعلہ فشاں میں بیٹھا ہوں

مجھ کو جلدی نہیں ہے جانے کی

تم کہو داستاں میں بیٹھا ہوں

اپنے پہلو میں آسماں لے کر

دیکھ لے اے زماں میں بیٹھا ہوں

tere dil meñ jahāñ maiñ baiThā huuñ

dukh hai sab ko kahāñ maiñ baiThā huuñ

muntazir jān-e-jāñ maiñ baiThā huuñ

aa bhī jā mehrbāñ maiñ baiThā huuñ

raunaqeñ aap se thiiñ mahfil meñ

kis ne dekhā vahāñ maiñ baiThā huuñ

tere jaane se bujh gayā dil bhī

ab yahāñ rā.egāñ maiñ baiThā huuñ

apne yāroñ se dushmanī kaisī

kis liye bad-gumāñ maiñ baiThā huuñ

raakh hone ko hai mirī hastī

ho ke shoa.la-fishāñ maiñ baiThā huuñ

mujh ko jaldī nahīñ hai jaane kī

tum kaho dāstāñ maiñ baiThā huuñ

apne pahlū meñ āsmāñ le kar

dekh le ai zamāñ maiñ baiThā huuñ