Budget Mein Maine Dekhe Hain Saare Tere – بجٹ میں نے دیکھے ہیں سارے ترے – Khoobsurat Urdu Ghazal | बजट में मैंने देखे हैं सारे तेरे

 بجٹ میں نے دیکھے ہیں سارے ترے

انوکھے انوکھے خسارے ترے

اللے تللے ادھارے ترے

بھلا کون قرضے اتارے ترے

گرانی کی سوغات حاصل مرا

محاصل ترے گوشوارے ترے

مشیروں کا جمگھٹ سلامت رہے

بہت کام جس نے سنوارے ترے

مری سادہ لوحی سمجھتی نہیں

حسابی کتابی اشارے ترے

کئی اصطلاحوں میں گوندھے ہوئے

کنائے ترے استعارے ترے

تو اربوں کی کھربوں کی باتیں کرے

عدد کون اتنے شمارے ترے

تجھے کچھ غریبوں کی پروا نہیں

وڈیرے ہیں پیارے دلارے ترے

ادھر سے لیا کچھ ادھر سے لیا

یونہی چل رہے ہیں ادارے ترے

बजट मैं ने देखे हैं सारे तिरे

अनोखे अनोखे ख़सारे तिरे

अलल्ले-तलल्ले उधारे तिरे

भला कौन क़र्ज़े उतारे तिरे

गिरानी की सौग़ात हासिल मिरा

महासिल तिरे गोश्वारे तिरे

मुशीरों का जमघट सलामत रहे

बहुत काम जिस ने सँवारे तिरे

मिरी सादा-लौही समझती नहीं

हिसाबी किताबी इशारे तिरे

कई इस्तिलाहों में गूँधे हुए

किनाए तिरे इस्ति'आरे तिरे

तू अरबों की खरबों की बातें करे

'अदद कौन इतने शुमारे तिरे

तुझे कुछ ग़रीबों की पर्वा नहीं

वडेरे हैं प्यारे दुलारे तिरे

इधर से लिया कुछ उधर से लिया

यूँही चल रहे हैं इदारे तिरे

bajaT maiñ ne dekhe haiñ saare tire

anokhe anokhe ḳhasāre tire

alalle-talalle udhāre tire

bhalā kaun qarze utāre tire

girānī kī sauġhāt hāsil mirā

mahāsil tire goshvāre tire

mushīroñ kā jamghaT salāmat rahe

bahut kaam jis ne sañvāre tire

mirī sāda-lauhī samajhtī nahīñ

hisābī kitābī ishāre tire

ka.ī istilāhoñ meñ gūñdhe hue

kinā.e tire isti'āre tire

tū arboñ kī kharboñ kī bāteñ kare

'adad kaun itne shumāre tire

tujhe kuchh ġharīboñ kī parvā nahīñ

vaDere haiñ pyāre dulāre tire

idhar se liyā kuchh udhar se liyā

yūñhī chal rahe haiñ idāre tire