اتنی مدت بعد ملے ہو
کن سوچوں میں گم پھرتے ہو
اتنے خائف کیوں رہتے ہو
ہر آہٹ سے ڈر جاتے ہو
تیز ہوا نے مجھ سے پوچھا
ریت پہ کیا لکھتے رہتے ہو
کاش کوئی ہم سے بھی پوچھے
رات گئے تک کیوں جاگے ہو
میں دریا سے بھی ڈرتا ہوں
تم دریا سے بھی گہرے ہو
کون سی بات ہے تم میں ایسی
اتنے اچھے کیوں لگتے ہو
پیچھے مڑ کر کیوں دیکھا تھا
پتھر بن کر کیا تکتے ہو
جاؤ جیت کا جشن مناؤ
میں جھوٹا ہوں تم سچے ہو
اپنے شہر کے سب لوگوں سے
میری خاطر کیوں الجھے ہو
کہنے کو رہتے ہو دل میں
پھر بھی کتنے دور کھڑے ہو
رات ہمیں کچھ یاد نہیں تھا
رات بہت ہی یاد آئے ہو
ہم سے نہ پوچھو ہجر کے قصے
اپنی کہو اب تم کیسے ہو
محسنؔ تم بدنام بہت ہو
جیسے ہو پھر بھی اچھے ہو
itnī muddat baa'd mile ho
kin sochoñ meñ gum phirte ho
itne ḳhā.if kyuuñ rahte ho
har aahaT se Dar jaate ho
tez havā ne mujh se pūchhā
ret pe kyā likhte rahte ho
kaash koī ham se bhī pūchhe
raat gaye tak kyuuñ jaage ho
maiñ dariyā se bhī Dartā huuñ
tum dariyā se bhī gahre ho
kaun sī baat hai tum meñ aisī
itne achchhe kyuuñ lagte ho
pīchhe muḌ kar kyuuñ dekhā thā
patthar ban kar kyā takte ho
jaao jiit kā jashn manāo
meñ jhūTā huuñ tum sachche ho
apne shahr ke sab logoñ se
merī ḳhātir kyuuñ uljhe ho
kahne ko rahte ho dil meñ
phir bhī kitne duur khaḌe ho
raat hameñ kuchh yaad nahīñ thā
raat bahut hī yaad aa.e ho
ham se na pūchho hijr ke qisse
apnī kaho ab tum kaise ho
'mohsin' tum badnām bahut ho
jaise ho phir bhī achchhe ho
इतनी मुद्दत बा'द मिले हो
किन सोचों में गुम फिरते हो
इतने ख़ाइफ़ क्यूँ रहते हो
हर आहट से डर जाते हो
तेज़ हवा ने मुझ से पूछा
रेत पे क्या लिखते रहते हो
काश कोई हम से भी पूछे
रात गए तक क्यूँ जागे हो
मैं दरिया से भी डरता हूँ
तुम दरिया से भी गहरे हो
कौन सी बात है तुम में ऐसी
इतने अच्छे क्यूँ लगते हो
पीछे मुड़ कर क्यूँ देखा था
पत्थर बन कर क्या तकते हो
जाओ जीत का जश्न मनाओ
में झूटा हूँ तुम सच्चे हो
अपने शहर के सब लोगों से
मेरी ख़ातिर क्यूँ उलझे हो
कहने को रहते हो दिल में
फिर भी कितने दूर खड़े हो
रात हमें कुछ याद नहीं था
रात बहुत ही याद आए हो
हम से न पूछो हिज्र के क़िस्से
अपनी कहो अब तुम कैसे हो
'मोहसिन' तुम बदनाम बहुत हो
जैसे हो फिर भी अच्छे हो
.png)

0 Comments