Kaise Nazar Jhukaun Tujhe Dekhne Ke Baad – Dil Ko Chhoo Jane Wali Khoobsurat Urdu Ghazal By Peer Syed Naseeruddin Naseer Gilani

 

کیسے نظر جھکاؤں تجھے دیکھنے کے بعد

کس گوشہ چین پاؤں تجھے دیکھنے کے بعد

آنکھوں کو ملتا جاؤں تجھے دیکھنے کے بعد

قسمت بلند پاؤں تجھے دیکھنے کے بعد

قصے تجھے خیالوں میں شب بھر سناؤں میں

پر بول بھی نہ پاؤں تجھے دیکھنے کے بعد

مشکل ہے پھر بھی جی تو رہا ہوں ترے بنا

خوشیوں سے مر نہ جاؤں تجھے دیکھنے کے بعد

ہر گام تیرا چرچا ہمارے نگر میں ہے

کیا کیا سنوں سناؤں تجھے دیکھنے کے بعد

کہتے ہیں تجھ کو دیکھیں تو ہو جاتے ہیں ترے

ایمان کس پہ لاؤں تجھے دیکھنے کے بعد

بھولا نہیں ہوں گرچہ میں لمحہ بھی ہجر کا

خود کو نہ بھول جاؤں تجھے دیکھنے کے بعد

یوں تو ہر اک زمیں میں قصیدے کہے ترے

چل پھر قلم اٹھاؤں تجھے دیکھنے کے بعد

غوریؔ تو لا شعور ہے مجھ کو دکھے تو میں

فن اپنا آزماؤں تجھے دیکھنے کے بعد